كل الطلبه

كُل الطلبـــة بيعرفــــــــوا إسمك
دايماً شايلين فى الجيب صورتك
يابابا كيرلس دى بركتـــــــــــك
نعمـــة عظيمـــــــة بتشهد عنك

طالب كان مهموم تعبــــــــــان
فى إمتحاناتـــــه كان قلقــــــان
وسط سهـــــره وخوفه وتعبــه
كان يطلب إسمك بإيمــــــــــان

كان بيحس بيك فى صلاتــــــه
بركة فى مجهوده وأوقاتـــــــه
يدخل بإيمان فى إمتحاناتــــــه
يرشده إسمك فى إجاباتــــــــه

قبل نتيجتــــه دايماً خايــــــف
إيه تقديره كان مش عـــــارف
قدام درجاتـــــــه كـــــان واقف
جيــــد جـــداً قُدامُه شايـــــف ؟

طلبه كتيـــــــر جربوا شفاعتـك
فى إمتحاناتهم شافوا معونتـــك
إسمك كان بركة ويـــــــــــــاهم
ترشدهم ينجحـــــــوا بمشورتك




ربنــــا مع كل اخواتنا اللى بيمتحنوا
وشفاعة البابا كيرلس تكون مع جميعنا يارب دايماً
آميـــ+ــــن